جنت پاکیزہ لوگوں کا گھر ہے

اسی لئے اللہ تعالی نے جنت ان لوگوں پر حرام کر دی ہے جن کے دل میں نجاست اور گندگی ہو اور جنت میں اسکی پاکی کے بغیر داخلہ ممکن نہیں ہے،چنانچہ ان سے کہا جائے گا۔
{طِبْتُـمْ فَادْخُلُوْهَا خَالِـدِيْنَ}
[الزمر 73]
ترجمہ
تم اچھے لوگ ہو اس میں ہمیشہ کے لیے
داخل ہو جاؤ۔
یعنی اپنی پاکی اور اچھائی کی وجہ سے اس میں داخل ہوجاو
اور موت کے وقت ان کیلئے بشارت ہے دوسروں کیلئے نہیں ۔
اللہ تعالی نے فرمایا
{اَلَّـذِيْنَ تَـتَوَفَّاهُـمُ الْمَلَآئِكَـةُ طَيِّبِيْنَ ۙ يَقُوْلُوْنَ سَلَامٌ عَلَيْكُمُ ادْخُلُوا الْجَنَّـةَ بِمَا كُنْتُـمْ تَعْمَلُوْنَ}
[النحل:32]
ترجمہ
جن کی جان فرشتے قبض کرتے ہیں ایسے حال میں کہ وہ پاک ہیں، فرشتے کہیں گے تم پر سلامتی ہو بہشت میں داخل ہوجاؤ بسبب ان کاموں کے جو تم کرتے تھے۔
جنت میں خبیث لوگ داخل نہیں ہوں گے اور نہ وہ لوگ جن کے دل میں خباثت ہو ۔

جو شخص دنیا میں پاک ہو گا اور پاک حالت میں اللہ تعالی سے ملاقات کرے گا بغیر رکاوٹ جنت میں داخل ہوگا،اور جو دنیا میں پاک نہیں ہوا اگر اس کی نجاست عینی ہے یعنی کافر کی طرح وہ کسی صورت داخل نہیں ہوگا اگر نجاست عارضی ہے تو اسے پاک کرنے کے بعد جنت بھیجا جائے گا،یہاں تک کہ اہل ایمان کو بھی پل صراط سے گزارتے وقت انہیں کلئیر کئے جانے کے بعد جنت میں داخلے کی اجازت مل جائیگی۔

حواله:إغاثة اللهفان في مصايد الشيطان ط عطاءات العلم 1:/95