ثابت قدمی کی ایک روشن مثال

حضرت عدی بن حاتم طائی رضی اللہ عنہ ایک صحابی تھے یہ پہلے نصرانی تھے انہوں نے اسلام قبول کرلیا اور ان کا اسلام خوب رہا یہ اپنے متعلق فرماتے ہیں کہ
“اسلام قبول کرنے کے بعد میں نے جب بھی نماز کیلئے منادی(آذان) سنی میں حالت وضو میں ہوتا”
تابعین کے امام سعید بن مسیب رحمہ اللہ کو دیکھ لیجئے کہ
سکرات موت کا عالم،جان نکل رہی ہے بیٹیاں سر پر کھڑی رو رہی ہیں فرمایا “اللہ تعالی سے اچھا گھمان رکھو اللہ کی قسم چالیس سال سے میری تکبیر اولی کبھی نہیں چھوٹ گئی ہے”
اسی طرح حضرت عبداللہ بن ادریس اودی رحمہ اللہ کی موت کا وقت قریب تھا ان کی بیٹی رو رہی تھی بیٹی سے فرمایا “مت رو میں نے اس گھر میں چار ہزار مرتبہ قرآن مجید پڑھ کر ختم کیا ہے”
حضرت عبدالرحمن سلمی رحمہ اللہ آئمہ اسلام اور قراء میں سے تھے یہ خلافت عثمانی سے لیکر حجاج بن یوسف کے دور تک ستر سال لوگوں کو قرآن مجید کی تعلیم دیتے رہے ان کے شاگردوں میں بیٹے اور باپ دونوں گزرے ہیں۔