حضرت قیس بن سعد بن عبادہ کی سخاوت

حضرت قیس بن سعد بن عبادہ رضی اللہ عنہ بیمار ہوگئے لوگوں نے تیمار داری کیلئے آنے میں دیر کر دی،ان سے کہا گیا کہ لوگ آپ کے مقروض ہیں اس لئے بیمار پرسی کیلئے آتے ہوئے شرم محسوس کر رہے ہیں،آپ نے فرمایا اللہ تعالی ایسے مال و زر کو رسوا کرے جو بھائیوں کی ملاقات سے روک لے پھر آپ نے شہر میں منادی کروا دی کہ جس جس پر قیس بن سعد بن عبادہ کا قرض ہے وہ ادا ہوگیا،لوگ یوں عیادت کیلئے امڈ پڑے کہ گھر کی چوکھٹ ہی ٹوٹ گئی۔