د شيطان څخه د الله سبحانه وتعالى پناه غوښتلو ګټې

١. د دې ګټو څخه یوه دا ده چې کله انسان قرآن كريم تلاوت کوي، نو فرښتې د هغه په شااوخوا کې راځي او د هغه قراءت اوري، لکه څنګه چې د اسيد بن حضير ؓ په واقعې کې راغلي دي، کله چې هغه قرآن كريم تلاوت کاوه، یوه د ورېځې په څېر شی ولیده چې پکې څراغونو ته ورته رڼاګانې وې.
پیغمبر ﷺ وفرمایل: «دا فرښتې وې».
ځکه چې شيطان د فرښتو ضد او دښمن دی، نو د قرآن كريم قاری ته امر شوی چې د الله  نه د خپل دښمن د لرې کولو دعا وکړي، ترڅو د الله سبحانه وتعالى ځانګړي فرښتې حاضر شي. دا داسې دعا ده چې پکې فرښتې او شیاطین یو ځای نه وي.

٢. همدارنګه، شيطان د قرآن كريم، قاری باندې د خپل لښکر سره حمله کوي، ترڅو هغه د قرآن مجيد اصلي هدف څخه لرې کړي، چې هغه غور او پوهه ده، یعنې پوه شي چې الله سبحانه وتعالى د خپل کلام څخه څه غواړي.
شيطان پوره هڅه کوي چې زړه د قرآن كريم هدف څخه منع کړي، ترڅو قاری پوره ګټه ترلاسه نکړي. له همدې امله، قاری ته امر شوی چې د تلاوت پیل کولو پر وخت د الله سبحانه وتعالى پناه وغواړي.
–
٣. الله سبحانه وتعالى خبر ورکړی دی چې کوم رسول یا نبی تلاوت کاوه، شيطان یې هڅه کوله چې په قراءت کې وسوسې راولي.
د صالحو سلفو هم دریځ دا و چې دلته «تمنّى» د تلاوت معنا لري.
لکه څنګه چې شاعر د عثمان رضی الله عنه په اړه ویلي:
تمنى كتابَ الله أولَ ليلِه
وآخرَه لاقى حِمامَ المقادِرِ-
(یعنې: د شپې په پیل کې یې د الله سبحانه وتعالى کتاب تلاوت کاوه، او په پای کې د تقدیر حکم ورسره برابر شو).
که دا حالت د رسولانو سره واقع کېدای شي، نو نورو ته څه کیدای شي؟
له همدې امله، شيطان کله قاری ته غلط لوستل ښيي، کله یې قراءت ګډوډوي، او کله یې د پوهې سره لوبې کوي.
کله چې قاری قرآن كريم تلاوت کوي، د شيطان لخوا په کوم ډول آزموینه نه خلاصیږي، او کله ناکله دواړه یو ځای هم کیږي.
نو ځکه، دا خورا مهمه ده چې د تلاوت پیل پر وخت د الله سبحانه وتعالى پناه وغواړي.
حواله: إغاثة اللهفان في مصايد الشيطان، ط. عطاءات العلم، ص (١٥٨).
—