د عقیدې اړوند غلطۍ

)ژوند دې پاتې شي( ویل غلط نه دي، خو غوره دا ده : چې ددي پر ځای یې نور الفاظ وکارول شي.
فضیلة الشیخ ابن عثیمین رحمه الله تعالی څخه وپوښتل شول: د تعزیت پر مهال د (البقية في حياتك) (ستاسو ژوند دې پاتې وي) ویل او د مړي د کورنۍ له لوري د (حياتك الباقية) (ستاسو ژوند دې سلامت وي) ځواب ورکول څه حکم لري؟
نو شیخ رحمه الله ځواب ورکړ:
(زه په دې کې کوم حرج نه وینم چې انسان (البقية في حياتك) ووایي، خو غوره دا ده چې داسې وویل شي: ( إن في الله خلفاً من كل هالك، إن لله ما أخذ وله ما أعطى، وكل شيء عنده بأجل مسمى، فاصبر واحتسب ) ځکه د تعزیت او نورو موقعو پر مهال د نبوي ﷺ د الفاظو پابندي کول ډېر غوره دي، همدارنګه که د تعزیت کوونکی دا طرز اختیار نه کړي، نو ځواب هم په خپله بدلېږي).
ماخذ :مجموع فتاوى ورسائل العثيمين، (17/452(