سچے لوگوں کے قصے

حجاج بن یوسف کے دور میں ایک بہادر شخص مشہور تھے کسی دن حجاج نے جوانوں کو جنگ پر نکلنے کا حکم دے دیا یہ شخص گھر میں چھپ گیا ان کے دو بیٹے تھے وہ بھی گھر میں ہی رہ گئے لوگوں نے کہا آج اس کی سچائی پرکھنے کا دن ہے، حجاج نے کہا اگر اس نے کبھی جھوٹ بولا ہے تو آج اپنے بیٹوں کی حمایت میں بھی جھوٹ بولے گا، اس شخص کو حجاج بن یوسف کے سامنے لایا گیا حجاج نے ان کے بیٹوں سے متعلق پوچھا تو انہوں نے جواب دیا کہ وہ دونوں گھر میں ہی ہیں، حجاج نے اللہ اکبر کا نعرہ لگایا، اس سچے شخص کی سچائی ثابت ہو چکی تھی انہوں نے انجام کی پرواہ نہیں کی، یہ ہوتی ہے سچائی، اسی طرح کعب بن مالک رضی اللہ عنہ کا واقعہ بھی مشہور ہے جب وہ غزوہ تبوک سے پیچھے رہ گئے ان کے ساتھ پیچھے رہنے والے منافقین نے جھوٹ کا سہارا لیکر وقتی طور پر بچ گیے لیکن کعب بن مالک رضی اللہ عنہ نے جھوٹ نہیں بولا سچ پر ڈٹے رہے مشکل وقت آیا لیکن پھر اللہ تعالیٰ نے آسمانوں سے ان کے حق میں فیصلہ دیا ان کی سچائی کا سرٹیفکیٹ آسمانوں سے آیات قرآنی کی شکل میں آیا جو روز قیامت تک پڑھا جائے گا.
سچائی ہی نجات کا راستہ ہے.