عبداللہ بن مبارک کی سچائی

رومیوں سے جنگ کیلئے جب عبداللہ بن مبارک نکلے اور مسلمانوں کا دشمن سے سامنے ہوا ،صف دشمناں میں سے ایک شخص نکلا اس نے مسلمانوں کو چیلنج کیا مسلمانوں کی صف میں سے بھی ایک سپاہی نکلا رومیوں کے اس شخص نے اسے قتل کر دیا یکے بعد دیگرے اس نے کئی مسلمانوں کو شہید کیا تب مسلمانوں میں سے ایک شخص نے اسے مار دیا لوگ اس کے اردگرد جمع ہوئے کہ یہ بہادر مجاہد کون ہے دیکھا جائے اس نے چہرے کو چھپایا ہوا تھا اتنے میں مسلمانوں میں سے ابو عمر نامی ایک شخص نے اس کے چہرے سے نقاب ہٹا دیا تب پتہ چلا کہ یہ عبداللہ بن مبارک تھے،عبداللہ بن مبارک نے ابو عمر سے کہا یہ کیا حرکت تھی. مطلب یہ کہ ابو عمر نے اس بہادر شخص کو لوگوں کے سامنے ظاہر کیا جو کہ صرف اللہ کی خوشنودی چاہتا تھا.