لکھے ہوئے سے کون بھاگ سکتا ہے

سماجی کچھ محاورے اور روزہ مرہ استعمال کے جملے ایسے ہیں جن سے عقیدہ جبر کی بو آتی ہے کہ انسان تقدیر اور لکھے ہوئے کے آگے بے بس اور مجبور ہے اس کے ہاتھ پیر بندھے ہوئے ہیں،جیسے یہ مثال :
“لکھے ہوئے سے کون بھاگ سکتا ہے”
یہ عقیدہ اسلامی نقطہ نظر سے مسترد ہے،قرآنی اور اسلامی تعلیمات کی روشنی میں انسان اپنے کاموں اور باتوں میں خود مختار اور آزاد ہے،وہ اپنے فیصلے خود کرتا ہے،تقدیر کا صفحہ تو اللہ تعالی کے اس علم کا عکس ہے جس میں یہ لکھا ہوتا ہے کہ اس بندے نے اپنے اختیار اور آزادی کے ساتھ کیا اعمال کرنے ہیں نہ کہ جو لکھا گیا ہے اسے ہم پر تھونپ دینے کا نام ہے۔