میت پر قرآن پڑھنے اور مصحف اس کے سینے پر رکھنے کا حکم

شیخ ابن عثیمین رحمہ اللہ سے پوچھا گیا کہ میت پر قرآن پڑھنے اور اس کے سینے پر مصحف رکھنے کا کیا حکم ہے ؟
اور کیا تعزیت کیلئے دن محدود ہیں کہا جاتا ہے کہ تعزیت کے تین دن ہوتے ہیں ؟
شیخ محترم اس بابت راہنمائی فرما دیں،اللہ تعالی جزائے خیر عطا فرمائے –
شیخ محترم نے جواب دیا :
میت یا قبر پر قرآن پڑھنا درست اور جائز نہیں،یہ غیر مشروع ہے،اس کا کوئی ثبوت نہیں ملتا،بلکہ یہ بدعت ہے،اسی طرح میت کے سینے میں قرآن رکھنا بھی ثابت اور جائز نہیں البتہ کچھ اہل علم نے پتھر یا کوئی وزنی چیز میت کے سینے میں رکھنے کا ذکر کیا ہے تاکہ اس کا پیٹ پھول نہ جائے –
باقی تعزیت کیلئے دن محدود نہیں ہیں –