لمونځ نور دی

علامه محمد بن صالح العثيمين رحمه الله تعالى فرمایي:د نبي کریم ﷺ وینا ده : )الصلاة نور( یعنې: لمونځ نور دی ) نو لمونځ د بنده لپاره په دې ځایونو کې نور ګرځي: د هغه په زړه کې -د هغه په مخ کې -د هغه په قبر کې -او د قیامت په ورځ د هغه د راټولېدو (حشر) په وخت کې، او همدا وجه ده چې ته به وینې، په خلکو کې هغه کسان چې مخونه یې ډېر روښانه (نوراني) وي، هماغه کسان وي چې په لمانځه ډېر پابند وي، او په لمانځه کې د الله سبحانه وتعالی لپاره زیات خشوع او عاجزي اختیاروي.