عقيدے سے متعلق غلطیاں

زندگی باقی رہے کہنا غلط نہیں، لیکن اس سے بہتر یہ ہے کہ اس کے بجائے دوسرے الفاظ اختیار کیے جائیں۔
فضیلة الشیخ ابن عثیمین رحمہ اللہ تعالیٰ سے پوچھا گیا: تعزیت کے وقت -البقية في حياتك- (آپ کی زندگی باقی رہے) کہنے، اور میت کے اہلِ خانہ کی طرف سے جواب میں -حياتك الباقية- (آپ کی زندگی سلامت رہے) کہنے کا کیا حکم ہے؟
تو شیخ رحمہ اللہ تعالى نے جواب دیا: (میں اس میں کوئی حرج نہیں سمجھتا کہ انسان ‘البقية في حياتك’ کہے، لیکن بہتر یہ ہے کہ یوں کہا جائے: (إن في الله خلفاً من كل هالك، إن لله ما أخذ وله ما أعطى، وكل شيء عنده بأجل مسمى، فاصبر واحتسب، کیونکہ تعزیت اور دیگر مواقع پر نبوی الفاظ کی پابندی کرنا زیادہ بہتر ہے۔ اسی طرح اگر تعزیت کرنے والا یہ اسلوب اختیار نہ کرے تو جواب بھی خود بخود بدل جائے گا۔ حواله : مجموع فتاوى ورسائل العثيمين، 17/452)